Oxetivos

• Afalar el debate social al rodiu de la llingua asturiana y el so futuru, organizando conferencies, seminarios, alderiques y actos públicos asemeyaos.
• Promover la edición de publicaciones qu'espardan la información sobre l'asturianu y ayuden na sensibilización social sobre la so situación.
• Fomentar la igua d'informes sobre la situación social de la llingua asturiana y el so futuru, yá seyan de conteníu llingüísticu, sociollingüísticu, didácticu, xurídicu, cultural o d'otra mena.
• Fomentar la reconocencia social, per aciu de galardones, homenaxes o actos de mena asemeyada, a aquelles persones o colectivos que desendolquen un llabor en favor del consensu en materia llingüística.
• Collaborar, con llabores entemediadores, d'información o d'otra mena, a superar situaciones nes que la convivencia llingüística algamae calter conflictivu.
• Caltener contactos coles autoridaes, organismos públicos o representación política de toles tendencies, en cata de la sensibilización naquellos aspectos elementales qu'han formar parte del consensu común en materia llingüística.
• Esparder fuera d'Asturies la realidá llingüística plural del Principáu, gracies a actos públicos, entrevistes con autoridaes, publicaciones y otros medios afayadizos a fin talu.

Síntesis histórica de la Fundación Caveda y Nava dende la so fundación el 4 de xineru del añu 2002.